LA POESIA SICILIANA DEL MESE: "INNARU" di Santo Battiato

Dettagli

Categoria: Letteratura

Creato Venerdì, 06 Gennaio 2012 16:22

Pubblicato Venerdì, 06 Gennaio 2012 16:22

Scritto da Santo Privitera

Visite: 2821

INNARU ( 1)

 Cu lu ventu e lu jelu accumpagnatu,

innaru torna caricu di nivi,

lu mari fa rumuri spietatu;

cu l'unni 'ncutti timpistusi e vivi. 

Lu celu resta sempri annuvulatu,

la luna manna chiù di chi ricivi;

lu suli scarda chiù l'oppostu latu;

pirchì Natura d'accussì priscrivi.

Currunu l'acidduzzi 'ngripidduti (2)

pa' 'nzina (3)  'u locu ca ci da' riparu,

e dda si stannu aggiuccateddi (4)  e muti,

e li muntagni, di lu jancu chiaru

'nzina li pedi restanu vistuti;

e la vecchia si stà a lu fucularu.

Note.

(1)  Gennaio;

(2) Raggrinziti;

(3) Fino;

(4) Accovacciati.