SANT'AGATA, ALL'AURORA

======================

Ancora nun è l'alba e dint''o Duomo

tanta gente ce sta

ca manco cchiù na spìngula ce trase,

e ancora, 'a dint''e ccase,

iesceno, tutte chine 'e devuzione,

fedele 'nquantità.

'A folla è tanta, overamente è tanta,

eppure, sti pperzone,

pare addeventano

n'anema sola

tant'è l'ardore, 'a fede e 'a passione

ca mettono p''a Santa.

E' notte ancora, ma,

Catania, tutta quanta,

è nu ricamo 'e luce tuorno tuorno,

è notte futa e pare miezuiuorno,

è vierno chino e pare già l'està

tant'è 'o calore

ca 'o popolo carnale,

'e gente cchiù sincere,

mettono int''e pparole 'e sti ppreghiere.

So' viecchie, piccerille,

so' femmene d'età, songo figliole,

è tuttuquanto 'o mmeglio 'e 'sta città

ca parla cu' Sant'Agata, ch''a chiamma...

e ognuno l'addimanna quacche cosa,

ognuno le suspira na prumessa,

le fa nu vuto... e prega... e prega... e 'a cerca...

e comme 'a Santa iesce ncopp''altare

è na schiuppata 'e gioia... 'e lacreme...  d'ammore...

e tanno tanno,

'a dint''e core 'e tutte chesti gente,

sparisce ogni tristezza, ogni malanno,

ogni mumento scuro...

p'ogni fedele, p'ogni catanese,

ce penzarrà sant'Agata

è sicuro!

                                   Raffaele Pisani

TRADUZIONE ( A cura di Santo Privitera)

Ancora non è l'alba dentro al Duomo/ tanta gente ci sta/ che neanche un'ago ci entra/ e ancora dalle abitazioni/ escono tutti pieni di devozione,/ una moltitudine di persone./

La folla è tanta, veramente tanta/ eppure queste persone/sembrano diventare/ una sola anima/ tant'è l'ardore, la fede, la passione/ che mettono per la Santa./ E' notte ancora ma/ Catania tutta quanta/ è un ricamo di luce tutto intorno/ è notte piena e sembra mezzogiorno/ è pieno inverno e pare già l'estate/ tant'è il calore/ che il popolo intimamente/ e gente più genuina/mettono nelle parole e in queste preghiere./

Sono vecchietti, bambini/ sono donne in età avanzata, sono ragazzine/è tutto quanto c'è di meglio in questa città/ che parla con Sant'Agata/che la chiama.../ ognuno le chiede qualcosa/ ognuno le sospira una promessa/ e le fa un voto...e prega...e prega...e cerca.../e quando la Santa esce sopra l'altare/è un'esplosione di gioia...di lacrime...d'amore.../ e allora, allora/ nel cuore di tutte queste persone/ sparisce ogni tristezza e ogni dolore/ ogni momeno buio.../ per ogni fedele per ogni catanese/ ci penserà Sant'Agata/ è sicuro!