LA POESIA: " A CCHIU' BEDDA CONA"

Details

Category: Letteratura

Created on Saturday, 23 December 2017 08:14

Published on Saturday, 23 December 2017 08:14

Written by Santo Privitera

Hits: 1557

A CCHIU’ BEDDA CONA

Paru la Cona ‘nta lu me quarteri,

La paru ancora comu fussi ajeri.

Sparacogna, aranci,mannarini,

‘na nnucchicedda e… novi lumini.

C’aggiungio nivi di cuttuni sciusu

e na curuna di ferru filatu.

Lu lippu ci lu stisi comu pratu…

…E l’angileddi ci misi di latu…

Quannu la viu, cchi mi pari bedda…

E’ la rigina di la me vanedda!!!

Ora ch’è pronta la vardu ammiratu

E biniricu cu mi l’ha ‘nsignatu.

Gesù, Giuseppi e Matri Maria,

li mettu ‘ncapu a li pinsera mia.

…pricchì paràlla nun ni sevvi a nenti

Senza l’amuri ‘ntra li sintimenti. 

                                   Santo Privitera