"LA NATIVITA'" di Francesca Privitera
- Details
- Category: Arte e Musica
- Created on Monday, 24 December 2012 16:54
- Published on Monday, 24 December 2012 16:54
- Written by Francesca Privitera
- Hits: 3023
E' NATALI
Sutta lu mantu di na notti Santa
a Betlemme dintra na capanna
25 Dicembri, n'eventu universali
canciò la storia...era la notti di Natali!
c E' Natali è nasciu lu Bammineddu,
' nta na rutta cu lu voi e l'asineddu
cu l'amuri di Giuseppi e di Maria
e i picureddi ca ci fannu cumpagnia.
...E di li munti scinnunu i pasturi
pi purtaricci lu latti a lu Signuri
u picuraru cu li picureddi
a passu lentu di li ciarameddi
...E di luntanu arrivunu li genti
Principi e Re, di livanti e di punenti...
E attraversunu diserti ‘pi purtari
oru e ricchizzi,... e attraversunu li mari...
pi 'nginucchiarisi davanti a lu Bamminu
ca nasciu pi lu Spiritu Divinu.
Luci na stidda… illumina lu celu
mentri nasci lu Bamminu o friddu e o jelu!
'Nta la pagghia ora dormi u Bammineddu
Nuru e cruru, rizzu, bionnu e affriddateddu...
L'aveva scrittu 'n celu u So distinu
era Natali è nasceva lu Bamminu...
nun lu sapeva… ma già curreva vuci
ca nasceva pi purtari... a nostra cruci…
Francesca Privitera
